فون مانگنے پر خاتون نے شوہر کی آنکھوں میں قینچی مار دی

بھارت میں فون مانگنے پر خاتون نے شوہر کی آنکھوں میں قینچی مار دی۔ بھارتی میڈیا رپورٹس کے مطابق انکت نے پریانکا سے یوٹیوب پر گانے سننے کے لیے موبائل فون مانگا تھا اس نے موبائل فون دینے سے یہ کہہ کر انکار کردیا کہ وہ اپنے موبائل پر گانے سنے۔ دونوں کے درمیان جھگڑا ہوا جس کے بعد پریانکا نے مبینہ طور پر انکت کی آنکھوں میں قینچی ماری اور فرار ہوگئی۔ پولیس نے بتایا ہے کہ انکت نامی شخص نے تین سال قبل خاتون سے شادی کی تھی تاہم کچھ عرصے بعد ہی جوڑے میں گھریلو مسائل پر اکثر جھگڑے ہونے لگے۔ پولیس کے مطابق بیوی نے اس واقعہ سے صرف تین دن پہلے شوہر اور اس کے خاندان کے خلاف تشدد کی شکایت درج کرائی تھی۔ پولیس کا بتانا ہے کہ انکت نے بیوی پریانکا کیخلاف واقعے سے متعلق شکایت درج کروائی ہے۔ پولیس کا بتانا ہے کہ ملزمہ کے خلاف مقدمہ درج کرکے تفتیش شروع کردی گئی ہے۔ انکت کے اہل خانہ نے اسے قریبی کمیونٹی ہیلتھ سینٹر میں داخل کرایا ہے۔ اسٹیشن انچارج نے کہا کہ تحقیقات کے بعد مزید کارروائی کی جائے گی۔ ​